Mo lasiha doahpagiid ja tearpmaid

TermWiki
Mo lasiha doahpagiid ja tearpmaidHvordan man legger til begrep og termer
This page contains changes which are not marked for translation.

Other languages:
norsk bokmål • ‎sámegiella

Tearbmawikis leat badjel logi duhát doahpaga 23 kategoriijas. Dáid doahpagiid vuollái leat lasihuvvon badjel 12 000 tearpma davvisámegillii ja girjedárogillii, 8000 tearpma suomagillii ja 7000 ruoŧagillii.

Danne lea dehálaš iskat jus doaba mii juo gávdno gokčá tearpmaid maid háliida lasihit.

Dán bagadusas čájehuvvo mo lasiha tearpmaid guokte ovdamearkkaiguin:

  1. Julevsámi spábbačiekčantearbma, «álgadibme» («avspark» dárogillii ja ruoŧagillii), maid doaba mii juo gávdno gokčá.
  2. Julevsámi spábbačiekčantearbma, «tjiektjamgiedde» («fotballbane» dárogillii, «fotbollsplan» ruoŧagillii), mas ii leat doaba mii gokčá tearpma.

Lasihit tearpma doahpagii mii juo gávdno

  • Ohcat ja gávdnat doahpaga davvisámegielat, dárogielat dahje ruoŧagielat tearpma bokte
  • Rahpat doabasiiddu, lasihit tearpma dasa
  • Ráhkadit sierra tearbmasiiddu terbmii

Ohcat ja gávdnat doahpaga

Mana ohcangieddái, čális «avspark» ja coahkkal «Oza»-boalu. search for avspark.png

Vuolimusas boađussiiddus gávnnat bohtosa Ásttoáigi ja faláštallan:álggaheapmi. found avspark.png

Registreret tearpma doabasiiddus

Go manná Ásttoáigi ja faláštallan:álggaheapmi-siidui de oaidná ahte doaba gokčá tearpma maid háliidat lasihit. Coahkkal de «Rievdat».

Jus dus lea definišuvdna, válddahus dahje eanet dieđut julevsámegillii maid háliidat lasihit, de manat smj-oassái ja čálát daid dieđuid dohko.

Registreret guoski tearpmaid

Dasto coahkkalat +-mearkka «Related expression of the concept»-ruvttus. Guovlu mas lea guorus giettit ihtá.

«Expression field» olgešbealde coahkkalat eaktofálu ja válljet «smj». Gieddái mii lea dan olgešbealde gis čálát tearpma, «álgadibme». Vállje guđe sátneluohkkái sátni gullá (dás dat lea N). Muitte maid merket «Sanctioned»-gietti jus háliidat almmuhit sáni. Sáhtát maid geavahit «collection»-gietti. «Collections»-siiddus gávnnat buot collectionat. Dat doibmet sullii dego excel-árkkat, masa čohkket sániid mat galget dohkkehuvvot čoahkkimis.

«Čoahkkáigeassu»-gieddái čálát maid leat bargan, omd. *Added lulesámi term* ja coahkkalat «Vurke siiddu»

Ráhkadit tearbmasiiddu

«Expressions» vuolde Ásttoáigi ja faláštallan:álggaheapmi vurkejuvvon siiddus oaidná ahte «álgadibme» lea ránis, muhto eará tearpmat leat alidat.

Coahkkal liŋkka «álgadibme». Siiddus mii de ihtá coahkkalat «Add»-boalu. «Language»-eaktofálus válljet «smj» ja «Word class»-eaktofálus válljet N (N máksá noun (substantiiva)), de coahkkalat «Vurke siiddu».

Lasihit tearpma mas ii leat doaba

  • Ohcat doahpaga davvisámegielat, dárogielat dahje ruoŧagielat tearpma bokte
  • Ođđa ohcan, dán háve lasiha kategoriija julevsámegielat terbmii
  • Rahpat guorus doabasiiddu, lasihit tearpmaid dasa
  • Ráhkadit sierra tearbmasiidduid tearpmaide

Ohcat

Mana ohcangieddái, čális «fotballbane» ja coahkkal «Oza». Siiddus mii de ihtá eai leat deaivamat doahpagiin.

Dalle fertet ráhkadit ođđa doabasiiddu. Dannego dát lea sámi de berre doaba leat muhtin sámegillii.

Ohcangieddái čálát de *Ásttoáigi ja faláštallan:tjiektjamgiedde* ja coahkkalat «Oza» fas.

Vuolimus siiddus mii de ihtá, muitaluvvo «Álggat siiddu *Ásttoáigi ja faláštallan:tjiektjamgiedde*». Coahkkal ránes liŋkka dan cealkagis.

Siiddus mii ráhpana čálát definišuvnna, válddahusa ja eará dieđuid maid háliidat.

Dan maŋŋá bidjá «tjiektjamgiedde», «fotballbane» ja «fotbollsplan» «Related expressions of the concept»-ruktui nu go muitaluvvo dás bajábealde.

Dan maŋŋel vurke siiddu.