Bárgidit siidduid

---

Bárgidit siidduid dieđuid oktii

Muhtomin leat siiddut main leat sullii seamma dieđut ovtta ja seamma doahpaga birra, nu mo oidno govas dás vuolábealde. Dás mii háliidit sirdit dieđuid mat leat gurut beal siiddus olgeš beal siidui.

Ráhkaneapmi

Raba daid guokte siidduid maid háliidat doaimmahit sierra lásiin, ja bija daid balddalága nugo čájehuvvo govas dás bajebealde. Dat álkidahtá barggu go álo oaidná earuid lásiid gaskkas.

Dán oktavuođas vuosttaš doaibma lea buoridit dieđuid gurutbeal láses nu ahte šaddá álkibut sirdit daid olgešbeal lásii.

Nubbi doaibma šaddá buoridit dieđuid olgeš siiddus, nu ahte ii leat konflikta dáid guokte siiduid sisdoaluid gaskkas.

Definišuvnnat ja eanet dieđut

Gurut siiddus leat veháš lassedieđut sihke dárogielat ja sámegielat doahpagii. Olgeš siiddus eai leat makkárge dákkár dieđut. Danne eat dárbbaš heivehit dáid dieđuid ovdalgo sirdá daid gurut siiddus olgeš siidui.

Tearpmat

Davvisámi tearpmat

Gurut bealde leat golmma davvisámi tearpma dán doahpagii, olgeš bealde gis dušše okta.

Olgeš siiddus mii oaidnit ahte «bigán» lea juo dohkkehuvvon tearbma. Gurut siiddus mii oaidnit ahte leat golbma tearbmaevttohusa, ja «sáhpánskuolfi» lea oidojuvvon sátni. Buot golmma sáni leat heivvolaš tearpmat dán oktavuođas, muhto go juo «bigán» lea dohkkehuvvon tearbma, de mearriduvvo ahte «bigán» galgá leat oidojuvvon tearbma. Mii háliidit maid dohkkehit daid eará davvisámi tearpmaid.

Eará tearpmat

Go leat seamma dieđut gurut ja olgeš siidduin girjedárogiel ja latiidna tearpmaid birra, de mii sihkastit daid dušše eret gurut siiddus.

Oppalaš dieđut

Gurut ja olgeš siiddus eai leat dieđut maid dárbbaša rievdadit, ja mii sáhttit dušše sirdit dáid dieđuid gurut siiddus olgeš siidui.

Gurut siidu maŋŋá doaimmaheami

Nugo oidno dás vuolábealde, de mii leat

1. sihkkun «bigán»-tearpma
2. dohkkehan eará davvisámi tearpmaid
3. váldán eret oidinmearkka «sáhpánskuolfi»-tearpmas
4. sihkkun girjedárogiela ja latiinna tearpmaid
5. visot eará dieđut leat ain sajis, nugo Collection ja Kategoriija

Olgeš siidu maŋŋá doaimmaheami

Dán siiddus mii leat dušše merken davvisámi tearpma vuoruhuvvon.

Máŋget dieđuid gurut siiddus olgeš siidui

Raba guktot siidduid gáldokoda-doaimmahanvuogis.

Lásiid sisdoallu šaddá de dákkár lágan:

Dat mii oidno dás lea TermWiki siskkáldas teakstaformáhtta. Mii galgat máŋget TermWiki-áđaid ja TermWiki-gilkoriid gurut láses olgeš lásii.

TermWiki-áđat

Ovdamearkkat:

{{Concept info
|language=se
|more_info=Skuolffit, strigiformes, ugler
}}

{{Related expression
|language=se
|expression=sáhpánskuolfi
|pos=N
|sanctioned=Yes
}}

TermWiki-áhta lea teaksta mii lea dávgeruođopáraid gaskkas. Áđa šládja lea dat mii oidno juste maŋŋa vuosttaš dávgeruođopára. Dás bajábealde mii oaidnit Concept info ja Related expression šládjasaš TermWiki-áđaid.

TermWiki-gilkorat lea namahus-árvu-párat, ja leat álo TermWiki-áđa siskkobealde. TermWiki-gilkor representašuvdna lea teaksta mii álgá ceakkosážuin (|). Gilkora namahus lea dat mii oidno | ja = mearkkaid gaskkas. Gilkora árvu lea dat mii oidno maŋŋá =-mearkka ja boahtte ceakkosážu gaskkas.

Dás bajábealde leat ee. language-, expression- ja sanctioned-gilkorat. Gilkor sáhttá čállit ovtta dahje máŋga linnjás.

Oktalinnjásaš gilkor:

|language=se

Máŋgalinnjásaš gilkor:

|more info=Máŋgalinnjásaš
diehtu
mii lea
viehka guhkki.

Máŋgen

Mii háliidit máŋget visot Concept info ja Related expression TermWiki-áđaid gurutbeal láses olgešbeal lásii, ja collection- ja category-gilkoriid gurutbeal Concept-áđas olgešbeal Concept-áhtii.

Merke ja máŋge ovtta áđa ain hávis gurutbealde, ja máŋge daid sisa olgešbeal lásii, áibbas álggus doaimmahanguovllus.

Go leat joavdan Concept-áhtii gurutbeal láses, merke ja máŋge collection- ja category-gilkoriid.

Rulle gitta bodnái olgešbeal láse doaimmahanguovllus, bija čállinmearkka juste concept maŋŋá, álggát ođđa linnjá, ja liibme sisa collection- ja category-gilkoriid dasa.

Olgešbeal Concept-áhta ovdal doaimmaheami:

{{Concept}}

Olgešbeal Concept-áhta maŋŋá doaimmaheami:

{{Concept
|collection=Collection:artsdata-fugl10
|category=ugle
}}

Loahpadoaimmat

Gurutbeal láses, coahkkal Avbryt-liŋkka.

Olgešbeal láses, čális dieđu mii muitala maid leat dahkan ja vurke dan siiddu.

Boađus

Maŋŋá vurkema dát lea boađus. Mii oaidnit ahte Concept-čuolddas leat ihttán dieđut, tearpmat skutnjaloddi ja sáhpánskuolfi leat ihtán ja Collection ja Categories leat ođasmahtton olgešbeal láses.

Sihkkut darbbašmeahttun siiddu

Go leat duđavaš rievdadusaiguin ja visot dieđut mat ledje gurutbeal láses leat ihttán olgešbeal lásii, de sáhtát sihkkut bigán 1-siiddu.