Sámi Giellagáldu

From TermWiki
Jump to: navigation, search
Sámi GiellagálduSámi Giellagáldu

Sámi Giellagáldus lea stuorámus ovddasvástádus sámi giellaovttasbarggus, giellaámmátlaš barggus ja sámegiela giellabálvalusaid addimis giellageavaheddjiide. Ásahus galgá ovddidit ja nannet davviriikkalaš sámi giellaovttasbarggu ja nannet sámegielaid sajádaga Norggas, Suomas ja Ruoŧas. Ásahus doaibmá Sámi Parlamentáralaš ráđi vuollásažžan. Sámi Giellagáldu lea Suoma, Norgga ja Ruoŧa sámedikkiid oktasaš prošeakta. Dan mihttun lea ásahit bistevaš davviriikkalaš sámegiela fága- ja resursaguovddáža. Prošeavtta eaiggáduššá ja jođiha Suoma Sámediggi. Prošeavtta áigge golmma riikka sámedikkit geahččalit ovttas čoavdit guovddáža fásta ruhtadeami.

Prošeakta álggahuvvui ođđajagimánu álggus 2013:s ja dat bistá geassemánu 2014 lohppii. Váldoruhtadeaddjin lea EU-Interreg Rájáhis ovdáneami Sápmi Davvi IV A-oasseprográmma. Dasa lassin prošeavtta ruhtadit sámedikkit, Lapin liitto Suomas, sihke Romssa- ja Nordlándda fylkkasuohkanat Norggas.

Barggut

Sámi Giellagáldu bargguide gullet giellagáhtten, giela ovddideapmi, terminologiija dohkkeheapmi, báikenammabarggut, giela normeren ja sámi giellaámmátlaš gažaldagaide guoski diehtojuohkkin. Dasa lassin guovddáš veahkeha gávdnat dieđuid iešguđetge sámegielaid birra ja nanne iešguđetge sámegielaid gaskasaš gulahallama.

Sámi Giellagáldu bargá viđain sámegielain: lulli-, julev-, ja davvisámegielain, sihke anáraš- ja nuortalašgielain. Ásahusas leat vihtta giellajuhkosa, maid ovddasvástádussan lea mearridit terminologiijas, normeremis ja báikenamain. Giellajuhkosat deaivvadit unnimusat golbmii jagis.

Sámi giellagáldu ii leat sierra fysalaš ásahus. Guovddáža bargit barget iešguhtege sámedikki doaimmahagain miehtá Sámi Norggas, Ruoŧas ja Suomas. Sámi Giellagáldus barget oktiibuot ovcci mearreáigásaš giellabargi ja golbma mearreáigásaš hálddahusbargi.

Oktavuohtadieđut

Hálddahus

Prošeaktahoavda Geavaheaddji:Marko Marjomaa marko.marjomaa@samediggi.fi +358 50 438 2484
Seniorráđđeaddi Geavaheaddji:Mika Saijets mika.saijets@samediggi.no +47 78 47 40 41
Prošeaktačálli Geavaheaddji:Johanna Alatorvinen johanna.alatorvinen@samediggi.fi +358 50 362 8400


Giellabargit

Anárašgiella Geavaheaddji:Miina Seurujärvi miina.seurujarvi@samediggi.fi +358 50 366 8184
Nuortalašgiella Geavaheaddji:Merja Fofonoff merja.fofonoff@samediggi.fi +358 50 369 6850
Lullisámegiella Geavaheaddji:Siri Kappfjell Päiviö siri.paivio@sametinget.se +46 70 2362757
Lullisámegiella Geavaheaddji:Joseph Fjellgren joseph.fjellgren@samediggi.no +47 78 47 41 88
Julevsámegiella Geavaheaddji:Britt-Inger Tuorda britt-inger.tuorda@sametinget.se +46 980 780 47
Julevsámegiella Geavaheaddji:Sven-Egil Duolljá svenn-egil.knutsen@samediggi.no +47 78 47 41 74
Davvisámegiella Geavaheaddji:Maret Laila Anti maret.laila.anti@samediggi.no +47 78 47 40 87
Davvisámegiella Geavaheaddji:Anna-Margith Påve @sametinget.se +46 73 0281502
Davvisámegiella Geavaheaddji:Anna-Liisa Väyrynen anna-liisa.vayrynen@samediggi.fi +358 50 4398860